سابق معروف کرکٹر عبدالرحمان کو ڈاکوؤں نے لوٹ لیا
- 19, جنوری , 2024
نیوزٹوڈے: لاہور میں سابق ٹیسٹ کرکٹر عبدالرحمان کے ساتھ ڈکیتی کا واقعہ پیش آیا۔ رپورٹ کے مطابق سابق آف اسپنر عبدالرحمان کو ان کے گھر کے باہر دو ڈاکوؤں نے گن پوائنٹ پر لوٹ لیا۔ ان کے ساتھ ان کی اہلیہ اور آٹھ ماہ کی بیٹی بھی تھی۔
سابق کرکٹر کا کہنا تھا کہ یہ واقعہ آج شام جوہر ٹاؤن میں میرے گھر کے باہر پیش آیا، موٹرسائیکل پر سوار ڈاکوؤں نے میری بیٹی پر پستول تان دی، پرس اور زیورات چوری کیے اور فرار ہوگئے۔ انہوں نے کہا کہ واقعہ کی اطلاع ملی ہے۔ عبدالرحمن نے 22 ٹیسٹ، 31 ون ڈے اور 8 ٹی ٹوئنٹی میں پاکستان کی نمائندگی کی۔ انہوں نے ٹیسٹ میں 99، ون ڈے میں 30 اور ٹی ٹوئنٹی میں 11 وکٹیں حاصل کیں۔
صباحت عابد
تبصرے