نواز شریف نے مانسہرہ کی عوام سے بڑا وعدہ کر لیا

22, جنوری , 2024

نیوزٹوڈے: مسلم لیگ ن کے قائد نواز شریف نے مانسہرہ میں اپنے حالیہ جلسے میں عوام سے خطاب کرتے ہوئے کہا کہ میں وزیراعظم بننے نہیں بلکہ الیکشن لڑنے آیا ہوں۔ خطاب کے دوران ان کا کہنا تھا کہ 2013 کے بعد آج مانسہرہ آیا ہوں، یہاں کچھ نہیں بدلا، عوام کا جوش دیکھ کر کسی کو بولنے کی ہمت نہیں ہوگی، ملک کے حالات دیکھ کر خوشی نہیں ہوئی۔

نواز شریف نے کہا کہ کے پی کے میں دس سال حکومت کرنے والوں نے کیا کیا؟ کیا انہوں نے کے پی کے کو نیا پاکستان بنایا؟ ان کا مزید کہنا تھا کہ وہ کہتے ہیں کہ نوازشریف نے کہا کہ خیبر میں جا کر موٹر وے دیکھیں۔ انہوں نے عوام سے کہا کہ خیبر کو بہترین صوبہ بنانے میں کوئی کسر نہیں چھوڑیں گے، حکومت ملی تو مانسہرہ میں بھی ایئرپورٹ بنائیں گے۔