اسلام آباد کی 3 یونیورسٹیاں غیر معینہ مدت کیلیے بند

23, جنوری , 2024

نیوز ٹوڈے : "اسلام آباد کی 3 یونیورسٹیاں دہشتگردی کے خطرے کی وجہ سے غیر معینہ مدت کیلیے بند کر دی گئیں ہیں" - تفصیلات کے مطابق اسلام آباد کی (پاک بحریہ یونیورسٹی ، ایئر یونیورسٹی اور قومی یونیورسٹی) ان تینوں کو اور ان کے ارد گرد کے علاقوں میں موجود تمام تعلیمی اداروں کو غیر معینہ مدت کیلیے بند کر دیا گیا ہے - ان یونیورسٹیز اور تعلیمی اداروں کے طالبعلموں کو رات گۓ ہی اداروں کی بندش کی اطلاع کر دی گئی تھی -

اسلام آباد پولیس کے مطابق اسلام آباد میں جاری انتخابی مہم اور پریس کلب دھرنوں کی وجہ سے پہلے ہی سیکیورٹی کے انتہائی سخت انظامات کیے گۓ ہیں - ممکنہ دہشتگردانہ حملے کی وجہ سے اسلام آباد کے ارد گرد کے علاقوں میں رات گۓ سرچ آپریشن بھی کیے گۓ - اسلام آباد کے ارد گرد کے علاقے جن میں دہشتگردی کے خدشات پاۓ جا رہے تھے ، اور ان کا سرچ آپریشن کیا گیا ۔ ان میں 'گولڑہ شریف ، ترنول اور سرجانی' کا علاقے شامل ہیں -