کراچی کے علاقے 'کورنگی' میں خوفناک حادثہ ، ماں اور بیٹی جاں بحق

25, جنوری , 2024

نیوز ٹوڈے : کراچی کے علاقے 'کورنگی' میں خوفناک حادثہ پیش آیا اس حادثے میں ماں اور بیٹی جاں بحق ہو گئیں ـ تفصیلات کے مطاق 'کورنگی ڈیڑھ نمبر میں ایک ٹریلر نے موٹر سائیکل کو ٹکر مار دی جس سے موٹر سائیکل پر سوار ماں اور بیٹی موٹر سائیکل سے گر کر ٹریلر کے ٹائروں کے نیچے آ کر کچلی گئیں' ـ موٹر سائیکل پر 5 افراد سوار تھے اور یہ خاندان ایک شادی کی تقریب سے واپس آ رہا تھا کہ ہنستا بستا گھر اجڑ گیا ـ

موٹر سائیکل پر سوار 45 سالہ نادیہ بی بی اور اس کی 15 سالہ بیٹی شبانہ جاں بحق ہو گئیں ، جبکہ گھر کا سربراہ نادیہ کا خاوند اور دو بچے معجزانہ طور پر بچ گۓ ـ نادیہ کے خاوند نے حکومت سے اپیل کی ہے کہ اس حادثے میں میری بیوی اور بچی بے گناہ ہلاک ہو گئی ہیں اس نے کہا ، کہ میں ایک غریب آدمی ہوں ، میرا سارا گھر الٹ گیا ہے ، میری مدد کی جاۓ ـ