کراچی گلشن اقبال میں ڈکیتی سے روکنے پر نوجوان جاں بحق

      نیوز ٹوڈے : کراچی کے علاقے (گلشن اقبال) میں ڈکیتوں نے ڈکیتی سے روکنے پر ایک نوجوان کو فائرنگ کرکے ہلاک کر دیا ـ تفصیلات کے مطابق کراچی کے علاقے گلشن اقبال  میں ایک نوجوان اپنے گھر کے قریب کھڑا تھا کہ 3 ڈاکو موٹر سائیکل پر آۓ اور اس نوجوان سے موبائل لینے کی کوشش کی تو اس نوجوان نے ایک ڈاکو کو پکڑ لیا جس پر دوسرے ڈاکو نے اس نوجوان پر فائرنگ کر دی ـ ڈاکو کی فائرنگ سے نوجوان شدید زخمی ہو گیا جسے ہسپتال منتقل کر دیا گیا لیکن ہسپتال پہنچتے ہی نوجوان اپنی زندگی کی بازی ہار گیا ـ مقتول ایک 18 سالہ نوجوان کامران تھا ـ

    اور وہ کراچی کی کمپنی میں ڈرائیور تھا ـ نوجوان پر فائرنگ کے دوران ڈاکوؤں کا ایک ساتھی بھی زخمی ہو گیا تھا ـ پولیس نے سی سی ٹیوی کیمروں سے مدد لیتے ہوۓ اس زخمی ڈکیت کو سرکاری ہسپتال سے زخمی حالت میں گرفتار کر لیا ہے ـ گرفتار ہونے والے ڈاکو کے پیٹ میں گولی لگی ہے اور اس کی حالت بھی خطرے میں ہے ـ پولیس نے بھاگ جانے والے ڈاکوؤں کی تلاش میں چھاپے مارنے شروع کر دیے ہیں ـ پولیس انہیں جلد سے جلد گرفتار کرنے کی یقین دہانی کرا رہی ہے ـ