آپ کو اتنی جلدی کیوں ہے ؟ عمران خان کا جج سے مکالمہ

31, جنوری , 2024

نیوزٹوڈے: توشہ خانہ کیس میں عمران خان اور ان کی اہلیہ بشریٰ بی بی کو سزا سنائی گئی ہے۔ بشریٰ بی بی اور عمران خان کو 14 سال قید بامشقت اور جرمانے کی سزا سنائی گئی۔ اس کے علاوہ توشہ خانہ کیس میں ان پر ایک ارب 57 کروڑ روپے جرمانہ بھی عائد کیا گیا ہے۔ سماعت کے دوران عدالت کے جج نے عمران خان سے سوال کیا کہ آپ نے اپنا 342 بیان جمع کرایا ہے؟ سوال کے جواب میں خان نے کہا کہ میرا بیان کمرے میں ہے۔ ان کا مزید کہنا تھا کہ مجھے صرف حاضری کے لیے بلایا گیا تھا اور عدالت نے کہا کہ آپ اپنا بیان فوری جمع کرائیں اور عدالت کا وقت ضائع نہ کریں۔ دوران گفتگو عمران خان نے جج سے کہا کہ آپ کو کیا جلدی ہے؟ گزشتہ روز بھی عجلت میں سزا سنائی گئی۔

واضح رہے کہ عمران خان پر الزام ہے کہ انہوں نے 2018 سے 2022 تک اپنی وزارت عظمیٰ کے دوران غیر ممالک سے کم قیمت پر قیمتی تحائف وصول کیے اور پھر ان تحائف کو 6 لاکھ 35 ہزار ڈالر میں فروخت کیا۔