شادی کب ہوگی؟ بلاول بھٹو نے سوال کا کیا جواب دیا؟

05, فروری , 2024

پاکستان پیپلز پارٹی کے چیئرمین بلاول بھٹو زرداری سے سوال کیا کہ آپ کو محبت ہو گئی ہے؟ تو انہوں نے جواب دیا کہ محبت تو آگے جا کر ہو گی۔ کسی نے سوال کیا کہ کہ سیاست دان نہ ہوتے تو کیا ہوتے؟ اس سوال پر انہوں نے کہا کہ میں بھی آپ کی طرح جیو ڈیجیٹل چلا رہا ہوتا۔ شادی سے متعلق سوال پر بلاول بھٹو نے جواب دیا کہ الیکشن تک قوم میرا سہرا نہیں دیکھ سکتی۔ مزید سوالات پوچھے گئے تو ایک صارف نے پوچھا کہ آپ کو سب سے زیادہ خوشی کس چیز کی ہوتی ہے جس پر انہوں نے کہا کہ اپنے بھانجوں کے ساتھ رہنا سب سے زیادہ خوشی کی بات ہے۔ بلاول بھٹو نے ملکی صورتحال پر بات کرتے ہوئے کہا کہ موجودہ سیاسی صورتحال سب سے مایوس کن ہے، اس وقت قوم کو دیکھ کر سب سے زیادہ مایوسی ہوتی ہے۔