گجرانوالہ عوام کے لیے اہم سہولت کا آغاز

06, فروری , 2024

نیوزٹوڈے: نگراں وزیراعلیٰ پنجاب محسن نقوی نے پیر کو گوجرانوالہ سیف سٹی پراجیکٹ اور پولیس سروس سینٹر کا افتتاح کیا۔پنجاب پولیس انٹیگریٹڈ کمانڈ، کنٹرول اور کمیونیکیشن سنٹر کے دورے کے دوران نگران وزیراعلیٰ نے سیکیورٹی انتظامات کی نگرانی کے لیے بنائے گئے سی سی ٹی وی کیمرہ سسٹم کا مشاہدہ کیا۔بعد ازاں نقوی نے گوجرانوالہ میں حال ہی میں افتتاح کیے گئے پولیس سروس سینٹر کا دورہ کیا۔ انہوں نے مختلف کاؤنٹرز کا معائنہ کیا اور شہریوں کو خدمات کی فراہمی کے عمل کا جائزہ لیا۔ آئی جی پنجاب ڈاکٹر عثمان انور نے وزیر اعلیٰ نقوی کو پولیس سروس سنٹر میں فراہم کی جانے والی سہولیات کے حوالے سے بریفنگ دی۔ افتتاحی تقریب کے دوران وزیراعلیٰ پنجاب نے گوجرانوالہ سیف سٹی پراجیکٹ کے وسیع تر فوائد پر زور دیا۔