'ن لیگ کا آخری اقتدار' فیصل واوڈا کا بڑا دعویٰ

12, فروری , 2024

نیوزٹوڈے: سابق وفاقی وزیر فیصل واوڈا نے کہا ہے کہ وزیر اعظم کی کرسی لینے کی جنگ میں آصف زرداری سب کچھ نچوڑ لے گا، مسلم لیگ ن کا یہ آخری اقتدار ہے۔ ایک انٹرویو میں انہوں نے کہا کہ 2024 کے عام انتخابات کے نتائج سے متعلق اظہار خیال کیا۔ انہون نے کہا کہ پاکستان میں جو کچھ بھی ہوا، کوئی نئی چیز نہیں، اس الیکشن کو جوڈیشل سلیکشن کہتا ہوں۔ ان کا مزید کہنا تھا کہ آصف زرداری کی سیاست باقی سب سے مختلف ہے، وہ اس گیم کے ماسٹر ہیں۔ مجھے لگتا ہے کہ وہ وزیراعظم کی کرسی کے علاوہ سب کچھ ہتھیا لیں گے۔ یہ مسلم لیگ ن کا آخری اقتدار ہے اس کے بعد وہ واپس نہیں آئیں گے۔