لاہور میں گینگسٹر مرحوم کے بیٹے کا قتل
- 19, فروری , 2024
نیوزٹوڈے: مشہور گینگسٹر ٹیپو ٹرکاں والا کے بیٹے بالاج ٹیپو کو اتوار کی رات ٹارگٹ کلنگ میں گولی مار کر ہلاک کر دیا گیا۔ مقامی پولیس نے میڈیا کو بتایا کہ بالاج ٹیپو چوہنگ کے قریب رہائشی سوسائٹی میں سابق ڈی پی ایس کے بیٹے کی شادی کی تقریب میں شرکت کے دوران حملہ کی زد میں آ گیا۔ فائرنگ کے دوران بالاج ٹیپو کے ساتھ دو دیگر افراد زخمی ہوئے، اور حملہ آور بھی کراس فائرنگ میں مارا گیا۔
لاہور سے تعلق رکھنے والے گینگسٹر کے بیٹے کو جناح اسپتال منتقل کیا گیا جہاں وہ زیادہ خون بہہ جانے کے باعث دم توڑ گیا۔ کسی بھی ممکنہ تصادم سے بچنے کے لیے سینئر پولیس افسران موقع پر پہنچ گئے، کیونکہ مقتول کی کم از کم تین نسلوں سے دشمنی کی تاریخ تھی۔ یہ گھناؤنا واقعہ 2010 کے گینگ تشدد کی ایک ایسی ہی کڑی ہے جب بالاج ٹیپو کے والد عارف عامر، جسے ٹیپو ٹرکاں والا کے نام سے جانا جاتا ہے، علامہ اقبال ایئرپورٹ کی پارکنگ میں قتل کر دیا گیا تھا ۔ مقتول کے دادا بلا ٹرکاں والا کو بھی ذاتی دشمنی کی بنا پر گولیاں مار کر قتل کیا گیا۔
تبصرے