حکومت میں شمولیت : ایم کیو ایم نے ن لیگ کے سامنے شرط رکھ دی

20, فروری , 2024

نیوزٹوڈے: ایم کیو ایم نے پی ٹی آئی کے بعد ن لیگ میں شمولیت کا اعلان کر دیا۔ تاہم شمولیت کے لیے ن لیگ سے تین نکاتی آئین ترمیم پر حمایت کی شرط رکھ دی۔ رپورٹ کے مطابق، ایم کیو ایم پاکستان اور ن لیگی وفود کی اسلام آباد میں اسحاق ڈار کی رہائش گاہ پر اہم ملاقات ہوئی۔ ملاقات کے دوران ، ترجمان ایم کیو ایم کی جانب سے بتایا گیا کہ بلدیاتی نظام سے متعلق آئینی ترمیم کے مطالبے پر بات چیت ہوئی جبکہ آئینی ترمیم کے حوالے سے درپیش چیلنجز سے نمٹنے کے لیے دیگر امور پر غور کیا گیا۔ ایم کیو ایم پارٹی کا کہنا تھا کہ ملک کو درپیش مسائل کا حل اور بحرانوں سے نکالنا سب کی ذمہ داری ہے، دونوں جماعتوں کے رہنماؤں نے حکومت سازی کے لیے بات چیت جاری رکھنے پر اتفاق کیا۔