شمالی وزیرستان میں پاک فوج کی کارروائی میں 6 دہشتگرد ہلاک

29, فروری , 2024

نیوز ٹوڈے : شمالی وزیرستان میں کارروائی کرتے ہوۓ سیکیورٹی اداروں نے 6 دہشتگردوں کو ہلاک کر دیا ـ (آئی ایس پی آر) کے مطابق پاک فوج کو خفیہ ذرائع سے اطلاع ملی کہ پاکستان کے اندر مختلف کارروائیوں میں ملوث کچھ دہشتگرد شمالی وزیرستان میں موجود ہیں - جس پر پاک فوج نے ان کے خلاف کارروائی کی ۔ اس کارروائی میں 6 دہشتگرد موقع پر ہی ہلاک ہو گۓ ـ آئی ایس پی آر کے مطابق اس آپریشن کے دوران پاک فوج کا ایک جوان بھی دہشتگردوں کی جوابی فائرنگ سے زخمی ہوا ہے -

اس کارروائی میں ہلاک ہونے والے دہشتگردوں کے قبضہ سے اسلحہ ، گولہ بارود اور کثیر مقدار میں دھماکہ خیز مواد بھی ملا ہے - آئی ایس پی آر رپورٹ کے مطابق کارروائی کے دوران مارے جانے والے دہشتگرد ٹارگٹ کلنگ ، بھتہ خوری اور شہریوں کے اغوا کی مختلف وارداتوں میں مطلوب تھے -