وزیراعلیٰ پنجاب مریم نواز کا فیصل آباد کے لیےبڑا اعلان

13, مارچ , 2024

نیوزٹوڈے: وزیراعلیٰ پنجاب مریم نواز نے میٹرو بس سروس کی توسیع کا اعلان کرتے ہوۓ اسے صوبے کے اندر ایک اور شہر فیصل آباد تک لانے کے منصوبے کا انکشاف کیا۔ انہوں نے یہ اعلان سابق وزیراعظم نواز شریف کی جانب سے کیے گئے وعدے کو پورا کرتے ہوۓ کیا۔

فیصل آباد میں موثر پبلک ٹرانسپورٹ کی کمی کے حوالے سےجب ایک شہری نے تحفظات کا اظہار کیا تو مریم نواز نے یقین دہانی کرائی اور ۷۰۰ بسوں کی منظوری دیتے ہوۓ ایک بڑا حصہ فیصل آباد کو درپیش ٹرانسپورٹیشن چیلنجز سے نمٹنے کے لیے مختص کر دیا۔ اس میٹرو بس سروس کا نفاذ شہر کے اندر تمام بڑے راستوں پر مشتمل ہو گا، جس سے عوام کی نقل وحمل کو بہتر بنانےمیں سہولت ملے گی۔ مزید برآں، شہروں میں مخصوص بس اسٹاپ اور پناہ گاہوں کےقیام کے عزم کا بھی اظہار کیا۔