وزیر اعلیٰ خیبر پختون خوا کی وزیر اعظم شہباز شریف سے پہلی ملاقات

نیوزٹوڈے:  علی امین گنڈا پور نے آج وزیر اعظم ہاؤس میں وزیر اعظم شہباز شریف سے ملاقات کی جس میں انہوں نے صوبے کے 1500 ارب روپے کے واجبات کو   اداکرنے کا مطالبہ کیا۔وزیر اعظم سے ملاقات کرنے کے بعد احسن اقبال کے ساتھ پریس کانفرنس کرتے ہوئے وزیراعلیٰ خیبرپختونخوا نے کہا کہ انہوں نے وزیراعظم سے صوبے کی صورتحال کے بارے میں بات چیت کی ہے۔ معلوم ہے اس لیے دیکھ کر ہی مطالبات کریں گے۔انہوں نے کہا کہ مذاکرات ہوں گے تو سیاسی معاملات بھی بہتر ہوں گے، پاکستان ہمارا ملک ہے، کے پی کے وسائل ملک کے لیے استعمال ہوئے، خوشی کی بات ہے۔

علی امین گنڈا پور نے وضاحت کی کہ ہمارا موقف یہ نہیں تھا کہ آئی ایم ایف پاکستان کو فنڈز فراہم نہ کرے، ہمارا مؤقف دھاندلی زدہ انتخابات کی تحقیقات کا تھا۔انہوں نے کہا کہ وزیر اعلیٰ خیبرپختونخوا سے بھی قیدیوں کے حوالے سے بات ہوئی، بے گناہ قیدیوں کی رہائی پر بھی بات ہوئی۔ ہم سب اپنی سیاست کرتے رہیں گے لیکن ملک کو درپیش خطرات کا مقابلہ مل کر کرنا ہے، ہم پاکستان کے لیے وہ سب کچھ کریں گے جس کی عوام ہم سے توقع رکھتے ہیں۔