عیدالفطر کس تاریخ کو ہو گی ؟پیشگوئی کردی گئی

18, مارچ , 2024

نیوزٹوڈے: معروف روحٓانی اسکالر ، عمران حمید اشرفی نے پیشگوئی کی ہے کہ امت مسلمہ کو اس سال تیس روزے نصیب ہونے کا امکان ہے۔ آئندہ ماہ شوال کے چاند کی پیشگوئی کرتے ہوئے ، انہوں نے کہا کہ شوال کا چاند 10 اپریل بروز بدھ نظر آنے کا امکان ہے ، اس لیے توقع کی جارہی ہے کہ یکم شوال یعنی عیدالفطر انشاءاللہ گیارہ اپریل بروز جمعرات کو ہو گی۔ دوسری جانب ، یو اے ای میں حکومت کی جانب سے عید کی تعطیلات کا اعلان کر دیا گیا ہے ۔ متحدہ عرب امارات کی تعطیلات 29 رمضان سے 3 شوال تک ہونے کا اعلان کیا گیا ہے۔

اس مرتبہ تیس روزے ہونے کا امکان ہے اور اگر ایسا ہوا تو رمضان سے تین شوال کی چھٹیاں چھے دن کی ہوجائیں گی، اور اگر رمضان 29 دن کا ہوا تو یہ چھٹیاں چار دن کی ہو گی جس کا امکان بہت کم ہے