فیصل آباد میں آتشبازی کا سامان بنانے والی فیکٹری میں آگ لگنے سے دو افراد ہلاک

01, اپریل , 2024

نیوز ٹوڈے : فیصل آباد میں آتشبازی کا سامان بنانے والی فیکٹری میں دھماکے سے 2 افراد جاں بحق ہو گۓ -ریسکیو حکام کے مطابق فیصل آباد میں (مکو آنہ کے علاقے کھر ڑیاںوالہ بائی پاس) کے نزدیک بنی ایک آتش بازی کا سامان بنانے والی فیکٹری میں زور دار دھماکہ ہوا اور اچانک آگ پوری فیکٹری میں پھیل گئی - آگ کی لپیٹ میں آ کر فیکٹری میں کام کرتے ہوۓ دو مزدور جاں بحق ہو گۓ-

جن کی شناخت 15 سال کے "ضیاء" اور 34 سال کے "شہباز" کے نام سے ہوئی - آگ بجھانے کیلیے فائر بریگیڈ کی 5 گاڑیاں موقع پر پہنچ گئیں - دو گھنٹوں کی جدو جہد کے بعد آگ پر قابو پالیا گیا - آگ بجھانے کے بعد دونوں مزدوروں کی لاشیں فیکٹری سے نکال لی گئیں - لاشوں کو پولیس نے اپنی تحویل میں لے لیا -