عمر ایوب اپوزیشن لیڈر مقرر

نیوزٹوڈے:  قومی اسمبلی میں قائد حزب اختلاف کی تقرری کا عمل مکمل ہوگیا، قومی اسمبلی سیکرٹریٹ نے پارلیمنٹ کے ایوان زیریں میں قائد حزب اختلاف کا نوٹیفکیشن جاری کردیا۔ اپوزیشن لیڈر کے لیے نامزد امیدوار عمر ایوب نے اسپیکر قومی اسمبلی سے ملاقات کی جس میں ایاز صادق نے عمر ایوب کو آگاہ کیا کہ نوٹیفکیشن جاری کیا جائے گا۔

شہباز شریف اور عمر ایوب کل وزارت عظمیٰ کے انتخاب میں آمنے سامنے ہوں گے۔  قومی اسمبلی کے سپیکر ایاز صادق نے اب اپوزیشن لیڈر کا نوٹیفکیشن جاری کر دیا ہے۔ پاکستان تحریک انصاف (پی ٹی آئی) کے اندر قائد حزب اختلاف اور پارلیمانی لیڈر کے معاملے پر اختلافات کے باعث قومی اسمبلی میں قائد حزب اختلاف اور پارلیمانی لیڈر کی تقرری میں تاخیر ہوئی۔

ذرائع نے دعویٰ کیا ہے کہ پی ٹی آئی کے بانی کی جانب سے نامزد عمر ایوب کے بجائے سابق اسپیکر اسد قیصر خود اہم عہدے کے لیے سامنے آئے۔ سابق سپیکر اسد قیصر نے گزشتہ دنوں سپیکر ایاز صادق سے ملاقات کی اور فی الحال اپوزیشن لیڈر کا نوٹیفکیشن جاری نہ کرنے کا مطالبہ کیا۔