آرمی چیف کی طرف سے دعوتِ افطار

03, اپریل , 2024

نیوزٹوڈے: آرمی چیف جنرل سید عاصم منیر کی طرف سے کاکول کیمپ میں شرکت کرنے والے قومی کرکٹرز کو افطار کی دعوت دی گئی ہے۔ 29کھلاڑیوں پر مشتمل پاکستان کرکٹ ٹیم کا کیمپ کاکول میں جاری ہے، جو مقررہ تاریخ سے پہلے ختم کیے جانے کا امکان ہے۔ ذرائع کے مطابق کاکول کیمپ میں پاکستانی کھلاڑیوں کا سات اپریل کو آخری روز ہو گا۔ آرمی چیف جنرل عاصم منیر کی جانب سے فٹنس کیمپ میں حصہ لینے والے تمام کھلاڑیوں کو دعوت افطار دی گئی ہے۔ ساتھ اپریل کی دوپہر کھلاڑی ایبٹ آباد سے راولپنڈی روانہ ہوں گی۔ راولپنڈی میں قومی کرکٹرز آرمی چیف جنرل عاصم منیر کے ساتھ افطار کریں گے، جس کے بعد ساتھ اپریل کی رات ہی تمام کھلاڑی اپنے گھروں کو روانہ ہوں گے۔

کاکول فٹنس کیمپ میں شرکت کرنے والے 29 کھلاڑیوں میں کپتان پابر اعظم ، سابق کپتان شاہین شاہ آفریدی ، محمد رضوان ، صائم ایوب ، فخرزمان ، صاحبزادہ فرحان ، حسیب اللہ ، سعود شکیل ، اعظم خان اور افتخار احمد شامل ہیں۔