عمرہ ویزا پر آنیوالے ملازمت تلاش نہ کریں، سعودی عرب کی وارننگ

16, اپریل , 2024

نیوزٹوڈے: سعودی عرب نے خبردار کیا ہے کہ عمرہ ویزے پر آنے والے مملکت میں ملازمتیں تلاش کرنے کی کوشش نہ کریں۔ بین الاقوامی میڈیا کے مطابق سعودی حکام نے عمرہ ویزوں پر مملکت آنے والوں سے کہا ہے کہ وہ اپنے ویزوں کی معیاد ختم ہونے سے قبل اپنے ملک واپس آجائیں۔ سعودی وزارت حج نے ایک بیان میں کہا ہے کہ عمرہ ویزے پر آنے والے افراد معاشی سرگرمیوں میں حصہ لینے کی کوشش نہ کریں۔

وزارت حج نے کہا کہ عمرہ ویزے پر آنے والے اپنی سرگرمیاں عمرہ کے علاوہ مقدس مقامات کی زیارت تک محدود رکھیں۔