یاسمین راشد کا چیف جسٹس کو خط

24, اپریل , 2024

نیوز ٹوڈے : پی ٹی آئی کی خاتون رہنما ڈاکٹر یاسمین راشد نے الیکشن کے معاملے پر چیف جسٹس آف پاکستان کو خط لکھ دیا۔

چیف جسٹس کو لکھے گئے خط میں یاسمین راشد نے کہا کہ ضمنی الیکشن میں تاریخی دھاندلی ہوئی، اس بار جعلی ووٹ ڈبوں میں ڈالے گئے اور ضمنی الیکشن میں ووٹ کو عزت دو کے نعرے کو دفن کر دیا گیا۔یاسمین راشد نے خط میں مزید کہا کہ 8 فروری کو مجھے اندازہ نہیں تھا کہ لوگ عمران خان کو ووٹ دینے لاکھوں کی تعداد میں نکلیں گے۔

پی ٹی آئی رہنما نے کہا کہ (ن) لیگ کو اپنے ساتھیوں کے ساتھ فارم 47 کی مدد سے حکومت بنانا پڑی۔ نہ پاکستان میں عزت تھی نہ بیرون ملک۔ یاسمین راشد نے اپنے خط میں چیف جسٹس سے ان معاملات کا نوٹس لینے کی اپیل کی ہے۔ یاد رہے کہ چند روز قبل پی ٹی آئی کے بانی عمران خان نے بھی چیف جسٹس آف پاکستان جسٹس قاضی فائز عیسیٰ کو 4 صفحات پر مشتمل خط لکھا تھا۔