وفاقی حکومت کا پی ٹی آئی کو بڑا سرپرائز

نیوزٹوڈے:   وفاقی حکومت نے پیر کو پاکستان تحریک انصاف (پی ٹی آئی) کے دیگر رہنماؤں میں مراد سعید کے نام ایگزٹ کنٹرول لسٹ (ای سی ایل) سے نکال دیے، ان میں سے اکثریت اس وقت کی کابینہ کا حصہ تھی۔

اطلاعات کے مطابق وفاقی کابینہ نے قومی احتساب بیورو (نیب) کی سفارش پر ان کا نام ای سی ایل سے نکالنے کی منظوری دے دی اور اس حوالے سے جاری کردہ نوٹیفکیشن کی کاپیاں تمام متعلقہ حکام کو بھجوا دیں۔

ای سی ایل سے نکالے گئے ناموں میں وزیر اعلیٰ خیبرپختونخوا علی امین گنڈا پور، غلام سرور، پرویز خٹک، شفقت محمود، اعجاز شاہ، علی زیدی، خسرو بختیار، اعظم سواتی، اسد عمر، عمر ایوب، محبوب سلطان, فواد چوہدری، فروغ نسیم اور شیریں مزاری  اور دیگر شامل ہیں۔ 

تاہم پی ٹی آئی کے بانی عمران خان، ان کی اہلیہ بشریٰ بی بی، فرح گوگی اور زلفی بخاری کا نام فہرست سے نہیں نکالا گیا۔نو فلائی لسٹ یا ای سی ایل افراد کی نقل و حرکت کو محدود کرنے اور انہیں بیرون ملک جانے سے روکنے کا ایک قانونی ذریعہ ہے۔ ذرائع کے مطابق سابق چیئرمین پی ٹی آئی، بشری بی بی، فرح خان اور زلفی بخاری کے نام ای سی ایل میں برقرار ہیں۔