شہباز شریف اور محمد بن سلمان کی ملاقات میں کیا بات ہوئی ؟

نیوزٹوڈے:   وزیر اعظم شہباز شریف نے سعودی عرب کے ولی عہد اور وزیر اعظم شہزادہ محمد بن سلمان سے ملاقات کی ہے۔

ملاقات میں دو طرفہ تعلقات، باہمی دلچسپی کے امور اور علاقائی صورتحال پر تبادلہ خیال کیا گیا۔ وزیراعظم نے کہا کہ سعودی وفد نے اپنے پاکستانی ہم منصبوں سے سرمایہ کاری پر تبادلہ خیال کیا اور اپنے ساتھ ایک اعلیٰ اختیاراتی وفد کو ریاض لایا۔

شہباز شریف نے کہا کہ پاکستانی وفد میں سرمایہ کاری کے ذمہ دار اہم وزراء شامل ہیں، وفد کو ساتھ لائے تاکہ فالو اپ ملاقاتیں ہو سکیں۔ انہوں نے خادم حرمین شریفین شاہ سلمان بن عبدالعزیز کے لیے نیک خواہشات کا اظہار کیا اور علاقائی صورتحال بالخصوص غزہ کے بحران پر بھی تبادلہ خیال کیا۔ملاقات میں پاکستان میں اسلامی ترقیاتی بینک کے مختلف منصوبوں پر پیش رفت کا جائزہ لیا گیا۔ وزیراعظم نے گزشتہ دور حکومت میں اسلامی ترقیاتی بینک کی جانب سے مختلف منصوبوں میں ایک ارب امریکی ڈالر کی سرمایہ کاری کرنے پر اسلامی ترقیاتی بینک کا شکریہ ادا کیا۔ شہباز شریف نے پاکستان میں سیلاب کے بعد کی بحالی میں اسلامی ترقیاتی بنک کے تعاون کو سراہا اور اس سلسلے میں ڈاکٹر الجاسر کے ذاتی تعاون اور قائدانہ کردار کا اعتراف کیا