سعودی عرب کا اعلیٰ سطحی تجارتی وفد پاکستان پہنچ گیا

06, مئی , 2024

نیوز ٹوڈے : سعودی عرب کے نائب وزیر سرمایہ کاری ابراہیم المبارک کی قیادت میں 50 رکنی اعلیٰ سطح کا سعودی تجارتی وفد اتوار کو پاکستان پہنچا جس کا مقصد دونوں ممالک کے درمیان دوطرفہ تعلقات کو مزید مضبوط اور فروغ دینے کے لیے تجارت اور سرمایہ کاری کے مختلف مواقع تلاش کرنا ہے۔ .وزارت تجارت کی جانب سے جاری پریس ریلیز کے مطابق نور خان ایئر بیس پہنچنے پر سعودی معززین کا استقبال وزیر تجارت جام کمال خان اور وزیر پیٹرولیم مصدق مسعود ملک نے کیا۔

جام کمال خان نے اس بات پر روشنی ڈالی کہ سعودی وفد کے تین روزہ دورے کا مقصد دونوں ممالک کے سرمایہ کاروں کے درمیان تجارتی تعلقات کو فروغ دینا اور پاکستان کی معیشت کے مختلف شعبوں میں تجارت اور سرمایہ کاری کے مواقع کی نشاندہی کرنا ہے۔