گرمیوں کی چھٹیوں کا اعلان

16, مئی , 2024

نیوز ٹوڈے : محکمہ تعلیم بلوچستان نے سکولوں کے بچوں کے لیے موسم گرما کی تعطیلات کا باضابطہ اعلان کر دیا۔ اس حوالے سے محکمہ تعلیم نے نوٹیفکیشن جاری کر دیا ہے۔ نوٹیفکیشن کے مطابق گرمی سے متاثرہ علاقوں میں 15 مئی سے 31 جولائی تک موسم گرما کی چھٹیاں ہوں گی جب کہ سرد علاقوں میں 22 جولائی سے 31 جولائی تک 10 دن کی چھٹیاں ہوں گی۔ اس سے قبل پنجاب کے صوبائی وزیر تعلیم نے بھی سکولوں اور کالجوں میں موسم گرما کی تعطیلات کے شیڈول کا اعلان کیا تھا۔ تفصیلات کے مطابق تعلیمی اداروں میں گزشتہ سال کی طرز پر چلنے کی توقع ہے، موسم گرما کی تعطیلات دو ماہ پر محیط ہونے کا امکان ہے۔

وزیر تعلیم نے بتایا کہ موسم گرما کی چھٹیاں 7 جون 2024 سے شروع ہوکر 19 اگست 2024 کو ختم ہوں گی۔۔ محکمہ تعلیم کی جانب سے آنے والے دنوں میں نوٹیفکیشن جاری ہونے کی توقع ہے۔