اسٹیٹ بینک نے عید کے جانوروں کی خریداری كے لیے انوكھا طریقہ متعارف كرادیا

27, مئی , 2024

نیوز ٹوڈے : اسٹیٹ بینک آف پاکستان عید الاضحی کے موقع پر قربانی کے جانوروں کی خریداری کے لیے QR کوڈ سسٹم کے ذریعے فوری ادائیگی سروس متعارف کرانے کی منصوبہ بندی کر رہا ہے۔ اس نظام کو 25 بینکوں کے تعاون سے 50 بڑی مویشی منڈیوں میں نافذ کیا جائے گا تاکہ ادائیگیاں آسان بنائی جا سکیں۔ اس اقدام کا مقصد مویشی پالنے والوں اور خریداروں کے لیے محفوظ اور فوری لین دین کی سہولت فراہم کرنا ہے، جو عید کے دوران 550 سے 600 ارب روپے کی ٹرانزیکشنز کو سنبھالنے میں مدد دے گا۔

QR کوڈ کے ذریعے ادائیگیاں کرنے سے POS مشینوں کی لاگت اور چیلنجز کم ہو جائیں گے۔ یہ نظام 15 شہروں میں فعال ہوگا جن میں کراچی، لاہور، اور اسلام آباد شامل ہیں۔ بینک الفلاح کے افسر کے مطابق پاکستان میں نقدی کا گردش بہت زیادہ ہے، اور وزیر خزانہ نے 5000 روپے کے نوٹ کو بند کرنے کی سفارش کی ہے۔ مشریق بینک کے سی ای او نے کہا کہ ڈیجیٹل بینکوں کی کم لاگت سے موبائل فنانسنگ کے لیے زیادہ منافع ممکن ہو سکے گا۔