چیئرمین سینیٹ یوسف رضا گیلانی کی کراچی میں گورنر سندھ کامران ٹیسوری سے ملاقات

04, جون , 2024

نیوز ٹوڈے : چیئرمین سینیٹ یوسف رضا گیلانی نے کراچی میں گورنر سندھ کامران ٹیسوری سے ملاقات کی۔

گورنر ہاؤس کے اعلامیے کے مطابق چیئرمین سینیٹ نے کامران ٹیسوری کو آئی ٹی کلاسز کے انعقاد پر مبارکباد دی۔اس موقع پر گورنر سندھ نے کہا کہ آج نوجوان آئی ٹی کے شعبے میں ہزاروں ڈالر کما رہے ہیں، طلباء کو جدید ترین کورسز مفت سیکھنے کا موقع مل رہا ہے۔

چیئرمین سینیٹ یوسف رضا گیلانی گورنر ہاؤس پہنچے جہاں انہوں نے گورنر سندھ کامران ٹیسوری کے ہمراہ آئی ٹی کلاسز کا دورہ کیا۔ یوسف رضا گیلانی نے طلباء سے خطاب کرتے ہوئے کہا کہ نوجوان تعلیم کے ذریعے ہی دنیا کا سامنا کر سکتے ہیں۔