پی ٹی آئی کے دفتر کو فوری طور پر ڈی سیل کرنے کا حکم

05, جون , 2024

نیوز ٹوڈے : اسلام آباد: اسلام آباد ہائی کورٹ نے پی ٹی آئی کے دفتر کو فوری طور پر ڈی سیل کرنے کا حکم دیتے ہوئے سی ڈی اے کے خلاف پی ٹی آئی کی درخواست منظور کرلی۔تفصیلات کے مطابق اسلام آباد ہائی کورٹ نے پی ٹی آئی کی درخواست پر سی ڈی اے کے خلاف محفوظ کیا گیا فیصلہ سنا دیا، جسٹس تھمن رفعت امتیاز نے چھ صفحات پر مشتمل تحریری فیصلہ جاری کیا۔

فیصلے میں عدالت نے سی ڈی اے کے خلاف پی ٹی آئی کی درخواست منظور کرتے ہوئے کہا کہ سی ڈی اے نے 2022 اور 2023 میں سابق مالک کو نوٹس جاری کیے اور پھر شوکاز نوٹس جاری کیے، سی ڈی اے کوئی وضاحت نہیں دے سکا۔ پرانے مالک کو نوٹس کیوں بھیجے جاتے رہے؟

اہم بات یہ ہے کہ عدالت نے کہا کہ نوٹس کی کوئی وصولی یا شوکاز نوٹس ریکارڈ پر نہیں، سی ڈی اے کا بنایا ہوا رجسٹر نوٹس کی وصولی کے لیے کافی ثبوت نہیں ہے۔جسٹس تمن رفعت امتیاز نے کہا کہ سی ڈی اے نے پی ٹی آئی کے مرکزی سیکرٹریٹ کو سیل کرنے کے حکم سے قبل کوئی نوٹس نہیں لیا۔