زرتاج گل کو قومی اسمبلی میں سنی اتحاد کونسل کا پارلیمانی لیڈر مقرر کر دیا گیا

24, جون , 2024

نیوز ٹوڈے : رکن قومی اسمبلی زرتاج گل کو ایوان زیریں میں سنی اتحاد کونسل کا پارلیمانی لیڈر مقرر کر دیا گیا ہے۔

اس حوالے سے قومی اسمبلی سیکرٹریٹ کی جانب سے نوٹیفکیشن جاری کر دیا گیا۔آج سپیکر قومی اسمبلی ایاز صادق نے باضابطہ طور پر سیکرٹری جنرل کے دستخط سے زرتاج گل کو پارلیمانی لیڈر مقرر کرنے کا اعلامیہ دیا جہاں وہ فوری طور پر یہ ذمہ داریاں سنبھالیں گی۔

سنی اتحاد کونسل نے زرتاج گل کے کاغذات نامزدگی 21 جون کو سپیکر کو جمع کرائے تھے۔ یاد رہے کہ چند ماہ قبل وزارت داخلہ نے زرتاج گل کا نام 9 مئی کے کیس سمیت مختلف الزامات میں ای سی ایل میں ڈال دیا تھا جس کے باعث وہ حج پر نہیں جاسکیں تھیں۔