کوٹری کے قریب ملت ایکسپریس کی بوگیاں پٹری سے اتر گئیں، ٹرین کی آمدورفت متاثر

26, جون , 2024

نیوز ٹوڈے : کوٹری ریلوے اسٹیشن کے قریب ملت ایکسپریس کی 3 بوگیاں پٹری سے اتر گئیں، حادثے کے باعث ٹرینوں کی آمدورفت متاثر ہوئی۔

ریلوے حکام کے مطابق کوٹری ریلوے اسٹیشن کے قریب ملت ایکسپریس کو حادثہ پیش آیا جس کے نتیجے میں ٹرین کی 3 بوگیاں پٹری سے اتر گئیں۔ حادثے کا شکار ہونے والی ملت ایکسپریس کراچی سے لاہور جارہی تھی۔ بوگیاں پٹری سے اترنے سے ریلوے ٹریفک متاثر ہوئی تاہم حادثے میں کوئی زخمی نہیں ہوا۔

حکام کا کہنا ہے کہ کراچی سے پنڈی جانے والی گرین لائن اپ کو کوٹری اسٹیشن کے قریب ملت ایکسپریس کے حادثے کے بعد بولہڑی اسٹیشن پر روک دی گئی، جبکہ ہزارہ ایکسپریس کو حیدرآباد ریلوے اسٹیشن پر ڈاؤن ٹریک پر روک دیا گیا۔