حکومت عمران خان کو کب تک جیل میں رکھنے کی کوشش کرے گی، رانا ثناء

نیوز ٹوڈے :   وزیراعظم کے مشیر برائے سیاسی امور اور مسلم لیگ ن کے رہنما رانا ثناء اللہ کا کہنا ہے کہ حکومت پی ٹی آئی کے بانی عمران خان کو جب تک ممکن ہو سکے جیل میں رکھنے کی پوری کوشش کرے گی۔ رانا ثناء اللہ نے کہا کہ عمران خان کا بیانیہ اور سیاسی ایجنڈا ملک کو غیر مستحکم کرنا اور فتنہ پھیلانا ہے۔رانا ثناء اللہ نے کہا کہ حکومت عمران خان کو جتنی دیر جیل میں رکھنے کی پوری کوشش کرے گی، ہم پی ٹی آئی کے بانی کو آئین اور قانون کے مطابق اندر رکھیں گے۔

انہوں نے کہا کہ عمران خان کو عدالت نے خود سزا دی ہے، ہمیں ووٹ اور مینڈیٹ بھی ملا ہے، لیکن کسی کو ووٹ انتشار پھیلانے کے لیے نہیں ملا، ہمارے خلاف مقدمات بنائے جا رہے ہیں۔رانا ثناء اللہ نے کہا کہ پی ٹی آئی کے بانی نکل بھی جائیں تو کوئی طوفان نہیں آئے گا، کل جو باتیں کر رہے تھے وہ آج کر رہے ہیں اور آئندہ بھی وہی بات کریں گے۔

انہوں نے کہا کہ عمران خان جمہوریت کے ساتھ آگے بڑھنے کی بات کرتے ہیں تو ہماری ان سے کوئی دشمنی نہیں، پی ٹی آئی کے بانی جمہوریت پر یقین نہیں رکھتے، ہم سیاسی اور جمہوری لوگ ہیں۔رانا ثناء اللہ نے مزید کہا کہ محمود خان اچکزئی بات کریں گے تو پی ٹی آئی کے بانی ان سے مینڈیٹ لیں گے، جمہوریت میں مذاکرات کے علاوہ کوئی راستہ نہیں، اسی سے معاملات حل ہوں گے۔