لاہور سمیت مختلف شہروں میں موسلادھار بارش، نشیبی علاقے زیر آب

01, جولائی , 2024

نیوز ٹوڈے : لاہور سمیت پنجاب کے مختلف شہروں میں صبح کے وقت موسلا دھار بارش ہوئی جس کے بعد موسم مزید بہتر ہوگیا ہے۔تفصیلات کے مطابق پنجاب کے مختلف شہروں میں گرج چمک اور تیز ہواؤں کے ساتھ موسلا دھار بارش ہوئی۔ دیگر مقامات پر بادل چھائے، موسلا دھار بارش کے بعد نشیبی علاقے زیرآب آگئے۔

لاہور کے علاوہ مریدکے، شیخوپورہ، ننکانہ صاحب، صفدر آباد، جڑانوالہ، فیصل آباد، چنیوٹ، ٹوبہ ٹیک سنگھ، کامونکی، نارووال، اوکاڑہ، جھنگ، بہاولپور، رینالہ خورد، کوٹ ادو، بھلوال، کبیروالا، حافظ آباد، منچن آباد، اور کچھ علاقوں میں بارش ہوئی۔ شورکوٹ، پاکپتن اور دیگر شہروں میں بھی صبح کے وقت موسلا دھار بارش ہوئی۔

پنجاب کے مختلف شہروں میں بارش کے باعث گرمی کا زور ٹوٹنے سے موسم مزید خوشگوار ہوگیا۔