پاک فوج نے بالائی وادی نیلم میں پل کی تعمیر مکمل کر لی ہے

01, جولائی , 2024

نیوز ٹوڈے: اسلام آباد: پاک فوج نے بلیواڑی نیلم میں پل کی تعمیر مکمل کر لی۔

عوام کی مدد کی روایت کو برقرار رکھتے ہوئے پاک فوج نے لووت بالا میں پل تعمیر کر دیا۔پل کی خستہ حالی کے باعث اہل علاقہ کو شدید مشکلات کا سامنا کرنا پڑا۔ لوات نہر پر بنے پل کی خستہ حالی کے باعث گزشتہ دنوں دو بچے پھسل کر نہر میں جا گرے۔

پاک فوج نے بہت کم وقت میں نہر پر پل بنا کر عوام کی مشکلات کم کر دیں۔ نہر پر پل کی تعمیر سے سکول جانے والے بچوں اور مقامی آبادی کو بہت فائدہ ہوا۔اہل علاقہ نے پاک فوج کے اس اقدام کو سراہا اور پاک فوج کے حق میں نعرے لگائے۔