وزیراعظم شہباز شریف کی آج روسی صدر پیوٹن سے ملاقات متوقع

03, جولائی , 2024

نیوز ٹوڈے : وزیر اعظم شہباز شریف دوشنبے سے قازقستان کے دارالحکومت آستانہ کے لیے روانہ ہو گئے جہاں ان کی روسی صدر پیوٹن سمیت عالمی رہنماؤں سے ملاقاتیں متوقع ہیں۔

وزیر اعظم شہباز شریف شنگھائی تعاون تنظیم کے سربراہان مملکت کے اجلاس میں شرکت کریں گے۔

وزیراعظم آستانہ میں ایس سی او پلس سربراہی اجلاس میں بھی شرکت کریں گے جہاں وہ کونسل کے اجلاس میں علاقائی اور عالمی امور پر پاکستان کا نقطہ نظر پیش کریں گے۔ شہباز شریف ایس سی او پلس سمٹ سے خطاب کریں گے۔
وزیراعظم شہباز شریف سربراہی اجلاس کے موقع پر شریک رہنماؤں سے بھی ملاقاتیں کریں گے جب کہ وزیراعظم کی آج روسی صدر پیوٹن، ازبکستان کے صدر شوکت مرزائیف سے بھی ملاقات متوقع ہے۔

اس کے علاوہ آج پاکستان، ترکی اور آذربائیجان کے درمیان سہ فریقی مذاکرات کا دور ہوگا جس میں وزیراعظم شہباز شریف شرکت کریں گے جب کہ آج وہ قازقستان کے صدر کے عشائیے میں بھی شرکت کریں گے۔