وزیراعظم کا ایران کے نو منتخب صدر کو ٹیلی فون، انتخابات میں کامیابی پر مبارکباد

نیوز ٹوڈے :   وزیراعظم شہباز شریف نے ایران کے نو منتخب صدر ڈاکٹرمسعود پزشکیان کو صدارتی انتخابات میں کامیابی پر مبارکباد دی ہے۔ایران کے حالیہ صدارتی انتخابات میں مسعود پزشکیان نے کامیابی حاصل کی۔

ایرانی صدارتی انتخابات کے دوسرے مرحلے (رن آف) میں اصلاح پسند امیدوار مسعود پزشکیان 1.63 ملین ووٹ لے کر نئے صدر منتخب ہوئے جبکہ ان کے مدمقابل رجعت پسند سعید جلیلی 1.35 ملین ووٹ حاصل کرنے میں کامیاب رہے۔

 صدارتی انتخابات میں کامیابی کے بعد وزیراعظم شہباز شریف نے ڈاکٹر مسعود پزشکیان کو فون کرکے مبارکباد دی اور ایران کے سپریم لیڈر آیت اللہ خامنہ ای کے لیے نیک خواہشات کا اظہار کیاوزیراعظم نے کہا کہ پاکستان اور ایران مشترکہ تاریخ، عقیدے، ثقافت اور روایات کے بندھن میں بندھے ہوئے ہیں، دونوں ممالک کے درمیان تعلقات کو مزید مضبوط بنانے کے لیے مل کر کام کرنے کے خواہاں ہیں۔

دوسری جانب نو منتخب ایرانی صدر نے بھی دونوں ممالک کے درمیان تعلقات کو مزید بڑھانے کی خواہش کا اظہار کیا۔بیان کے مطابق دونوں رہنماؤں نے علاقائی مسائل پر بات چیت، قریبی رابطوں اور مشاورت جاری رکھنے پر بھی اتفاق کیا۔وزیراعظم شہباز شریف نے ایران کے نو منتخب صدر کی کامیابی کے لیے نیک خواہشات کا اظہار کیا۔