فیصلوں پر عملدرآمد ہونا چاہیے، سستی برداشت نہیں کریں گے، وزیراعظم کی کابینہ نے خبردار کر دیا

نیوز ٹوڈے :   وزیراعظم شہباز شریف نے وفاقی کابینہ کو خبردار کیا ہے کہ وقت ضائع نہیں ہونے دیں گے اور سستی برداشت نہیں کریں گے۔وفاقی کابینہ کے اجلاس سے خطاب میں وزیراعظم نے وزارتوں کو تنبیہ کرتے ہوئے کہا کہ میں کسی کو بھی برداشت نہیں کروں گا جو سستی کرے گا۔ عمل درآمد کرنا ہے، ٹارگٹ سب نے پورا کرنا ہے، آئی ایم ایف سے جان چھڑانے کا ہدف صرف باتیں کرنے سے پورا نہیں ہوگا، اس کے لیے دن رات کام کرنا ہوگا۔

انہوں نے کہا کہ 10 لاکھ ٹیوب ویل تیل پر چل رہے ہیں، ملک میں 3.5 ارب ڈالر کا تیل استعمال ہوتا ہے، ہم نے بلوچستان میں 28 ہزار ٹیوب ویلوں کو سولرائز کرنے کا فیصلہ کیا ہے، ہمیں سورج کی شعاعوں سے فائدہ اٹھانا ہے۔

شہباز شریف نے کہا کہ جن علاقوں میں بجلی چوری ہوتی ہے وہاں لوڈشیڈنگ ہوتی ہے، ہم نے ترقیاتی بجٹ سے 50 ارب روپے کاٹ کر 3 ماہ کے لیے 200 یونٹس کا ریلیف دیا۔

وزیراعظم کا مزید کہنا تھا کہ کراچی پورٹ پر 1200 ارب کی چوری ہو رہی ہے، پی این ایس سی کے 12 جہاز ہیں اور 5 ارب روپے کی تنخواہیں ہیں جب کہ 5 ارب ڈالر فریٹ چارجز ادا کر رہے ہیں، کسی کو پرواہ نہیں، کیا ہمارے پاس مزید جہاز نہیں ہیں۔ لینا چاہتے ہیں؟ اگر یہ رقم بچ جائے تو اسے دوسرے منصوبوں کے لیے استعمال کیا جا سکتا ہے۔

وزیراعظم نے کابینہ کو بتایا کہ شنگھائی تعاون تنظیم کے اجلاس اور دورہ تاجکستان میں دیگر ممالک کے سربراہان سے اچھی بات چیت ہوئی، روسی حکام سے سرمایہ کاری پر بھی جامع بات چیت ہوئی، نئی ٹیکنالوجیز کو لایا جائے گا۔