محرم کی وجہ سے حیدرآباد میں آئی ٹی کورسز کے ٹیسٹ کی تاریخ تبدیل کردی گئی ہے

12, جولائی , 2024

نیوز ٹوڈے : حیدرآباد میں گورنر سندھ کی جانب سے محرم کے حوالے سے آئی ٹی کورسز کے ٹیسٹ کی تاریخ تبدیل کردی گئی۔گورنر سندھ کامران ٹیسوری نے کہا کہ حیدرآباد میں آئی ٹی کورسز کے ٹیسٹ 19 سے 21 جولائی تک نیاز اسٹیڈیم میں ہوں گے، رجسٹریشن کا عمل تین دن میں مکمل ہو جائے گا، طلبہ جلد از جلد رجسٹریشن کرائیں۔

کامران ٹیسوری نے مزید کہا کہ حیدرآباد میں بھی جلد آئی ٹی کلاسز شروع ہوں گی، صرف ٹیسٹ پاس کرنے والے طلباء ہی مفت آئی ٹی کورسز کر سکیں گے، ٹیسٹ اور کلاسز بالکل مفت ہیں، کسی طالب علم کو ایک روپیہ بھی ادا نہیں کرنا پڑے گا۔