مفت سولر پینلز اور انورٹر پنکھے دینے کا اعلان

نیوز ٹوڈے :    اعلان کیا گیا ہے کہ غریب گھرانوں کو 2 KV تک کے مفت سولر پینل فراہم کیے جائیں گے، ساتھ ہی تاروں اور انورٹر کے پنکھے بھی بطور پیکیج فراہم کیے جائیں گے۔

تفصیلات کے مطابق خیبرپختونخوا کے مشیر خزانہ مزمل اسلم نے غیر ملکی میڈیا کو انٹرویو دیتے ہوئے کہا کہ خیبرپختونخوا حکومت غریب خاندانوں کو مفت سولر پینل فراہم کرے گی، صوبے میں ایک لاکھ سولر سسٹم فراہم کیے جائیں گے، اس کے ساتھ تاروں اور انورٹر کے پنکھے بھی لگائے جائیں گے۔ 

مزمل اسلم نے کہا کہ ہم نے خیبرپختونخوا میں 90 سے زائد پاور پلانٹس بنائے ہیں، کے پی میں 6 سے 7 روپے فی یونٹ بجلی پیدا کر رہے ہیں اور واپڈا صارفین تک بجلی پہنچانے کے لیے 27 روپے فی یونٹ مانگ رہا ہے۔مشیر خزانہ خیبرپختونخوا نے بھی صارفین کو بجلی پہنچانے کے لیے اپنی ٹرانسمیشن لائن بچھانے کا اعلان کیا اور کہا کہ اب ہم اپنی ٹرانسمیشن لائن خود بچھائیں گے۔

واضح رہے کہ پنجاب میں 500 یونٹ تک بجلی استعمال کرنے پر صارفین کو سولر پینل دینے کے منصوبے کی منظوری دی گئی ہے۔سولر پینل کی قیمت کا 90 فیصد حکومت پنجاب ادا کرے گی جبکہ 10 فیصد صارف ادا کرے گا اور سولر پینل صارفین کو 5 سال کی آسان اقساط میں فراہم کیے جائیں گے۔