ملک کے مختلف شہروں سے آج 8 محرم کے جلوس نکالے جائیں گے، سیکیورٹی کے سخت انتظامات

15, جولائی , 2024

نیوز ٹوڈے : نواسہ رسول حضرت امام حسینؓ اور شہدائے کربلا کی یاد میں آج 8 محرم کو ملک کے مختلف شہروں سے جلوس نکالے جائیں گے۔

کراچی، لاہور، پشاور، کوئٹہ، راولپنڈی اور دیگر شہروں میں 8 محرم الحرام کے جلوسوں کے لیے سیکیورٹی کے سخت انتظامات کیے گئے ہیں۔کراچی میں 8 محرم الحرام کے جلوس کی گزرگاہ کی طرف جانے والی سڑکیں سیل کر دی گئیں۔

ایم اے جناح روڈ، کوریڈور 3 اور صدر کے مختلف مقامات پر کنٹینرز لگا کر بلاک کر دیا گیا ہے۔کراچی میں 10 محرم الحرام کے دوران اورنج لائن اور گرین لائن بس سروس آج سے بند رہے گی جب کہ شہر کے مختلف علاقوں میں موبائل فون سروس بھی بند کردی گئی ہے۔