شیخ رشید نے اسٹیبلشمنٹ سے معافی کی اپیل کر دی

نیوز ٹوڈے :   اڈیالہ جیل کے باہر میڈیا سے گفتگو کرتے ہوئے شیخ رشید نے کہا کہ حالات خراب ہیں اور معیشت پریشان کن ہے، بجلی کے نرخ بڑھنے جارہے ہیں، آپ اس ملک میں چوری کرنا چاہتے ہیں، 

انہوں نے کہا کہ میں اسٹیبلشمنٹ سے معافی کی اپیل کرتا ہوں، میں نے بطور وزیر 5 سال معافی دی۔ 686 کیسز ہیں، اگر ہر ہفتے جرح ہو تو 10 سال ختم نہیں ہوتے۔

سابق وزیر نے کہا کہ آپ نے صنم جاوید کو وکلا کے چیمبر سے گرفتار کیا، ہمیں کرینوں پر لٹکا دو، ہمیں سزا دو لیکن ملک کو بچاؤ، ملک کینیا بنتا جا رہا ہے، کے پی اور بلوچستان میں کیا صورتحال ہے، خدا کے لیے بتائیں۔ اپنی عزت اور ملک کو بچائیں۔
شیخ رشید کا مزید کہنا تھا کہ نواز شریف نیا بیانیہ لائیں گے اور عوام کو رسوا ہونے کے لیے چھوڑ دیا جائے گا، نواز اور شہباز کا فیصلہ بھی اب ہو جائے گا، ایک مشرق میں جائے گا اور دوسرا مغرب میں۔ کسی کو احساس نہیں کہ لوگ گرمی سے مر رہے ہیں، 77 لاکھ لوگوں نے ملک چھوڑنے کے لیے پاسپورٹ جمع کرائے۔

سربراہ عوامی مسلم لیگ نے کہا کہ بانی پی ٹی آئی کیسے چھوڑیں گے؟ روز کہتا ہے وہ آرہا ہے، وہ نہیں آرہا، قبر ایک اور  مردے 3ہیں،  مخصوص نشستوں پر تاریخی فیصلے پر عدلیہ کو سلام، عدلیہ ملک بچانے میں تاریخی کردار ادا کرے گی۔