ایچ ای سی کا ڈگریوں کی تصدیق کا نظام کئی روز سے درہم برہم، طلبہ پریشان

18, جولائی , 2024

نیوز ٹوڈے : ایچ ای سی ذرائع کے مطابق سسٹم کی خرابی کے باعث سینکڑوں طلبہ کی ڈگریوں کی تصدیق کا کام معطل ہے جس کے باعث بیرون ممالک میں اعلیٰ تعلیم کے لیے جانے والے طلبہ کو شدید مشکلات کا سامنا ہے۔

طلباء کا کہنا ہے کہ ایچ ای سی آفس کے چکر لگا کر تھک گئے ہیں، کوئی شنوائی نہیں، آن لائن درخواستیں بھی جمع کرائی ہیں لیکن تاحال چالان جاری نہیں ہوئے۔اس حوالے سے ایچ ای سی انتظامیہ کا موقف تھا کہ اسلام آباد سے سسٹم خراب ہو گیا ہے، جیسے ہی سسٹم میں بہتری آئے گی طلباء کو چالان اور تاریخیں ملنا شروع ہو جائیں گی۔