شہباز شریف کی طبیعت ناساز، دورہ ایران منسوخ

30, جولائی , 2024

نیوز ٹوڈے : وزیر اعظم شہباز شریف کا دورہ ایران خرابی صحت کے باعث منسوخ کر دیا گیا۔ ذرائع کا کہنا ہے کہ وزیراعظم شہباز شریف کی خرابی صحت کے باعث آج ان کے دورہ ایران سمیت تمام مصروفیات منسوخ کردی گئی ہیں۔وزیر اعظم کی دولت مشترکہ کے سیکرٹری جنرل سے طے شدہ ملاقات بھی منسوخ کر دی گئی ہے۔
ترجمان دفتر خارجہ کا کہنا ہے کہ نومنتخب ایرانی صدر ڈاکٹر مسعود کی تقریب حلف برداری میں نائب وزیراعظم اسحاق ڈار پاکستان کی نمائندگی کریں گے۔واضح رہے کہ نو منتخب ایرانی صدر کی تقریب حلف برداری آج ایران کے دارالحکومت تہران میں ہوگی۔