سٹیج، ٹی وی اور فلم کے معروف اداکار سردار کمال انتقال کر گئے

31, جولائی , 2024

نیوز ٹوڈے : پاکستان کے سٹیج، ٹی وی اور فلم کے نامور اداکار سردار کمال لاہور میں انتقال کر گئے۔ اہل خانہ کے مطابق سردار کمال کو دل کا دورہ پڑا، ان کی عمر 58 سال تھی۔

سردار کمال نے پسماندگان میں 2 بیٹے اور ایک بیٹی چھوڑی ہے جن میں سے ایک انگلینڈ میں ہے۔اداکار سردار کمال کا جسد خاکی آبائی شہر فیصل آباد پہنچا دیا گیا ہے۔سردار کمال نے درجنوں فلموں، ٹی وی اور سٹیج ڈراموں میں کام کیا اور خوب شہرت حاصل کی، ان کی وفات پر فلمی اور سماجی حلقوں نے گہرے دکھ اور افسوس کا اظہار کیا ہے۔