آج سے 6 اگست تک ملک بھر میں مون سون کی موسلادھار بارشوں کی پیشگوئی

01, اگست , 2024

نیوز ٹوڈے : محکمہ موسمیات کے مطابق اسلام آباد، پنجاب، سندھ، خیبرپختونخوا، کشمیر میں بارش کا امکان ہے۔اس کے علاوہ کراچی، لاہور، گوجرانوالہ، گجرات، جہلم، شکر گڑھ اور بھمبر آزاد کشمیر سمیت ملک کے مختلف شہروں میں بارش شروع ہوگئی ہے۔محکمہ موسمیات نے جمعہ سے بلوچستان اور ہفتہ کی رات سے گلگت بلتستان میں بارش کی پیش گوئی کی ہے۔

گزشتہ روز لسبیلہ، واشک، قلعہ سیف اللہ اور قلات میں سیلابی ریلوں سے ٹریفک کی روانی متاثر ہوئی۔علاوہ ازیں مانسہرہ میں مہندری کے مقام پر پل گرنے سے شاہراہ کاغان بند ہے جب کہ سیاحوں کے وادی کاغان جانے پر مکمل پابندی ہے۔