نیو گوادر انٹرنیشنل ایئرپورٹ کا افتتاح کب ہوگا؟ تاریخ سامنے آگئ

06, اگست , 2024

نیوز ٹوڈے : نیو گوادر انٹرنیشنل ایئرپورٹ 14 اگست سے آپریشنل ہونے کا امکان ہے جس کے لیے تیاریاں مکمل کر لی گئی ہیں۔

ایئرپورٹ کا سافٹ لانچ وزیراعظم شہباز شریف کی جانب سے کیے جانے کا امکان ہے۔ کراچی سے پی آئی اے کی خصوصی پرواز پہلی پرواز کے طور پر گوادر انٹرنیشنل ایئرپورٹ پر لینڈ کرے گی۔ ایک قدامت پسند اندازے کے مطابق نیو گوادر انٹرنیشنل ایئرپورٹ پر 54 ارب 98 کروڑ روپے لاگت آئی ہے۔ گوادر انٹرنیشنل ایئرپورٹ کے رن وے بین الاقوامی معیار کے مطابق بنائے گئے ہیں، جن پر ایئربس 380 سمیت دیگر بڑے طیارے اتر سکتے ہیں۔