پسند کی شادی، ہنگو سے تعلق رکھنے والا جوڑا اسلام آباد میں قتل

07, اگست , 2024

نیوز ٹوڈے : ہنگو میں پسند کی شادی کرنے والے جوڑے کو اسلام آباد میں تیز دھار آلے سے قتل کر دیا گیا۔پولیس ذرائع کے مطابق اسلام آباد کے گاؤں پنڈ پڈیاں میں ہنگو سے تعلق رکھنے والے لڑکے اور لڑکی کو قتل کر دیا گیا۔

دونوں نے پسند کی شادی کی تھی اور اپنی جان بچانے کے لیے ایک گھر میں پناہ لی تھی۔پولیس ذرائع کا کہنا ہے کہ ملزمان لڑکے کا پیچھا کرتے ہوئے گھر میں داخل ہوئے اور نوبیاہتا جوڑے کو تیز دھار آلے سے قتل کر دیا اور فرار ہو گئے۔