موٹر وے کے مسافر ہوشیار ہو جائیں، اہم خبر آ گئی

08, اگست , 2024

نیوز ٹوڈے : موٹروے پولیس نے بارش کے دوران ڈرائیوروں کے لیے ایڈوائزری جاری کر دی۔

موٹروے پولیس کی جانب سے جاری ایڈوائزری میں کہا گیا ہے کہ اسلام آباد، پشاور، کوٹ مومن، ڈیرہ اسماعیل خان سوات، تھاکوٹ میں وقفے وقفے سے بارش کا سلسلہ جاری ہے۔ اس سلسلے میں ٹول پلازہ موٹروے کے تمام صارفین کے لیے خصوصی بریفنگ کا سلسلہ جاری ہے۔ بارش کے دوران سڑک پھسلنے سے گاڑی کے بے قابو ہونے کا خطرہ ہے۔

اس لیے حادثات سے بچنے کے لیے بارش کے دوران گاڑی چلاتے ہوئے زیادہ احتیاط سے گاڑی چلائیں۔ شہریوں سے گزارش ہے کہ تیز بارش کے دوران غیر ضروری سفر سے گریز کریں، اگر سفر ضروری ہو تو آہستہ چلائیں اور اگلی گاڑی سے فاصلہ معمول سے زیادہ رکھیں۔ ایڈوائزری میں مزید کہا گیا کہ سفر شروع کرنے سے پہلے موٹروے پولیس ہیلپ لائن 130 سے معلومات حاصل کی جا سکتی ہیں۔