ارشد ندیم کی تاریخی کامیابی پر صدر، وزیراعظم اور دیگر رہنماؤں کی مبارکباد

نیوز ٹوڈے :  صدر آصف علی زرداری اور وزیراعظم شہباز شریف سمیت دیگر رہنماؤں نے پاکستانی جیولن تھرور ارشد ندیم کو پیرس اولمپکس میں تاریخی کامیابی پر مبارکباد دی ہے۔صدر آصف علی زرداری نے اپنے مبارکبادی پیغام میں کہا کہ ارشد ندیم پوری قوم کا فخر ہیں۔

ارشد ندیم کو صدر آصف زرداری گولڈ میڈل جیتنے پر مبارکباد

صدر آصف علی زرداری نے ارشد ندیم کو اولمپکس میں گولڈ میڈل جیتنے پر مبارکباد دیتے ہوئے کہا کہ ارشد ندیم کی جیت پوری قوم کی جیت ہے۔

صدر مملکت نے کہا کہ اولمپکس میں شاندار ریکارڈ قائم کیا، طویل ترین جیولن تھرو بہت بڑی کامیابی ہے، آپ نے پیرس اولمپکس میں پاکستان کے لیے میڈل جیت کر ہمارا سر فخر سے بلند کیا ہے۔صدر مملکت نے کہا کہ ارشد ندیم نے اولمپکس جیسے بڑے مقابلے میں پاکستان کا نام روشن کیا۔

وزیراعظم شہباز شریف کی ارشد ندیم کو مبارکباد

اپنے پیغام میں وزیراعظم شہباز شریف نے کہا کہ ارشد ندیم اولمپکس کی 118 سالہ تاریخ میں منفرد ریکارڈ بنانے پر مبارکباد کے مستحق ہیں۔وزیراعظم شہباز شریف نے جیولن تھرو میں اولمپک میڈل جیتنے پر ارشد ندیم کو مبارکباد دیتے ہوئے کہا کہ شاباش ارشد ندیم آپ نے قوم کا سر فخر سے بلند کر دیا ہے۔

وزیر اعظم شہباز شریف نے کہا کہ اولمپکس میں تاریخ رقم کر کے آپ نے ثابت کر دیا کہ ارادے مضبوط ہوں تو ناممکن ممکن ہو جاتا ہے۔وزیراعظم نے کہا کہ نہ صرف والدین بلکہ ہم سب کو قوم کے بیٹے اولمپیئن ارشدندیم پر فخر ہے۔

سپیکر قومی اسمبلی اور چیئرمین سینیٹ کی مبارکباد

سپیکر قومی اسمبلی ایاز صادق نے اپنے بیان میں ارشد ندیم کو اولمپکس میں گولڈ میڈل جیتنے پر مبارکباد دیتے ہوئے کہا کہ ارشد ندیم نے محنت اور مہارت کا مظاہرہ کرکے گولڈ میڈل جیتا ہے۔

چیئرمین سینیٹ یوسف رضا گیلانی نے ارشد ندیم کو اولمپکس میں گولڈ میڈل جیتنے پر مبارکباد کے پیغام میں کہا کہ ارشد ندیم نے کامیابیوں کا سلسلہ جاری رکھ کر پاکستان کا نام روشن کیا ہے۔

بلاول بھٹو اور مریم نوازکی مبارکباد

چیئرمین پاکستان پیپلز پارٹی بلاول بھٹو زرداری نے پیرس اولمپکس میں گولڈ میڈل جیتنے پر ارشد ندیم کو مبارکباد کے اپنے پیغام میں کہا کہ ارشد ندیم نے اولمپکس کے انفرادی مقابلوں میں پاکستان کے لیے پہلا گولڈ میڈل جیت کر قوم کا سر فخر سے بلند کیا۔

وزیراعلیٰ پنجاب مریم نواز نے بھی ارشد ندیم کو اولمپکس میں گولڈ میڈل جیتنے پر مبارکباد دی ہے۔

وزیراعلیٰ پنجاب مریم نواز نے اپنے مبارکبادی پیغام میں کہا کہ ارشد ندیم نے  گولڈ میڈل جیت کر قوم کا دل جیت لیا ہے۔

وفاقی وزیر داخلہ اور چیئرمین پی سی بی محسن نقوی نے بھی پاکستانی جیولن تھرور ارشد ندیم کو پیرس اولمپکس میں گولڈ میڈل جیتنے پر مبارکباد دی۔

وزیر داخلہ محسن نقوی نے ارشد ندیم کے لیے اپنے مبارکباد کے پیغام میں کہا کہ پورے ملک کو ارشد ندیم کی اس تاریخی کامیابی پر فخر ہے۔انہوں نے کہا کہ ریکارڈ کے ساتھ اولمپک گولڈ میڈل جیتنا آپ کی محنت، لگن اور عزم کا نتیجہ ہے۔

وفاقی وزیر احسن اقبال نے پیرس اولمپکس میں ارشد ندیم کے گولڈ میڈل جیتنے پر اپنے مبارکباد کے پیغام میں کہا کہ ارشد ندیم کی محنت اور عزم نے پوری دنیا میں پاکستان کا سر فخر سے بلند کیا ہے۔پیرس اولمپکس میں مردوں کے جیولن تھرو ایونٹ کے فائنل میں پوری قوم کی نظریں ارشد ندیم پر تھیں جو 32 سال بعد اولمپکس میں میڈل حاصل کرنے کی واحد امید پاکستان تھے۔

واضح رہے کہ پاکستان نے اولمپک میڈل کے پوڈیم پر آخری بار 8 اگست 1992 کو قدم رکھا تھا جب قومی ہاکی ٹیم نے بارسلونا اولمپکس میں ہالینڈ کو چار کے مقابلے تین گول سے شکست دے کر کانسی کا تمغہ جیتا تھا۔ انہوں نے اولمپکس میں گولڈ میڈل جیتا جو ہاکی ٹیم نے دیا تھا۔ارشد ندیم انفرادی مقابلوں میں پاکستان کے لیے گولڈ میڈل جیتنے والے پہلے ایتھلیٹ ہیں۔

آج کے فائنل میچ میں ٹرینیڈاڈ اینڈ ٹوباگو کے کشور این نے 86.16 کا پہلا تھرو اسکور کیا جبکہ پاکستان کے ارشد ندیم پہلا تھرو نہ پھینک سکے۔ جرمنی کے جیولین ویبر بھی پہلا تھرو نہ کر سکے۔فن لینڈ کے لسی کا پہلا تھرو 78.81 تھا، بھارت کے نیرج چوپڑا نے پہلا تھرو کھو دیا۔ فن لینڈ کے اولیور ہیلینڈر کا پہلا تھرو 80.92 تھا۔جمہوریہ چیک کے جیکوب ویلج نے 84.52 کا دوسرا تھرو لیا۔

ان کے بعد پاکستان کے ارشد ندیم نے 92.97 میٹر کی دوسری تھرو کے ساتھ نیا اولمپک ریکارڈ قائم کیا۔ یہ ارشد ندیم کی اب تک کی مقابلے کی بہترین تھرو ہے۔پچھلا اولمپک ریکارڈ 90.57 میٹر تھا جو کہ ناروے کے اینڈریاس تھورکلڈسن نے 2008 کے بیجنگ اولمپکس میں قائم کیا تھا۔

جرمنی کے جیولین ویبر نے اپنے دوسرے تھرو میں 87.33 کا سکور کیا۔ ہندوستان کے نیرج چوپڑا نے اپنا دوسرا تھرو 89.45 پر کیا۔پیرس اولمپکس میں مردوں کے جیولن تھرو فائنل کے دوسرے راؤنڈ میں فن لینڈ کے ایٹیلاٹو نے دوسرے راؤنڈ کا پہلا تھرو پھینکا۔