وزیر اعظم شہباز شریف کی ارشد ندیم کی کامیابی پر جشن منانے کی ویڈیو وائرل ہوگئی

09, اگست , 2024

نیوز ٹوڈے : پیرس اولمپکس میں پاکستانی جیولن تھرور ارشد ندیم کی تاریخی فتح پر وزیراعظم شہباز شریف کی جشن منانے کی ویڈیو وائرل ہوگئی۔کل رات گیارہ بجے قوم کی نظریں صرف ارشد ندیم پر جمی تھیں اور سب کی ٹی وی سکرین پر صرف ارشد ندیم تھے۔پیرس اولمپکس میں ارشد ندیم کی کامیابی پر وزیراعظم شہباز شریف نے بھی جشن منایا جس کی ویڈیو بھی سامنے آگئی۔

ویڈیو میں دیکھا جا سکتا ہے کہ ارشد ندیم کی 92.97 میٹر کی شاندار تھرو دیکھ کر وزیراعظم اٹھ کھڑے ہوئے اور کامیابی کا جشن منانے کے لیے ہاتھ اٹھائے جب کہ رانا مشہود نے اس موقع پر وزیراعظم کو مبارکباد دی۔

واضح رہے کہ ارشد ندیم نے اپنی دوسری تھرو میں 92.97 میٹر پھینک کر نیا اولمپک ریکارڈ بنایا ہے۔پچھلا اولمپک ریکارڈ 90.57 میٹر کا تھا جو ناروے کے اینڈریاس تھورکلڈسن نے 2008 کے بیجنگ اولمپکس میں قائم کیا تھا۔