کراچی میں سوئی گیس کی سپلائی 20 گھنٹے بند

12, اگست , 2024

نیوز ٹوڈے : سوئی سدرن انتظامیہ نے شہر قائد میں گیس کی عارضی بندش کا اعلان کردیا، ترجمان کا کہنا ہے کہ مرمتی کام کے باعث کراچی میں 20 گھنٹے گیس کی فراہمی بند رہے گی۔

گیس فراہم کرنے والی گمبٹ جی پی ایف فور فیڈر لائن میں لیکیج کے باعث کراچی میں گیس کی فراہمی معطل ہوگئی۔اس حوالے سے ترجمان سوئی سدرن کا کہنا ہے کہ پائپ لائن میں لیکیج کے باعث گیس کی سپلائی عارضی طور پر معطل کی گئی ہے۔

ترجمان کے مطابق لیکیج کے باعث سسٹم میں 38 ایم ایم سی ایف ڈی گیس کی کمی ہے، پی پی ایل ٹیم نے گیس سپلائی بند کرکے پائپ لائن کی مرمت کا کام شروع کردیا ہے۔پائپ لائن کی مرمت کا کام آئندہ 20 گھنٹوں میں مکمل ہونے کا امکان ہے جس کے باعث سندھ اور بلوچستان کے بعض علاقوں کو گیس کے کم پریشر کا سامنا کرنا پڑے گا۔