پاکستانی فری لانسرز کے لیے بڑی خوشخبری

نیوز ٹوڈے :    سوشل میڈیا پر ایک افواہ گردش کر رہی ہے جس میں کہا جا رہا ہے کہ معروف فری لانس سروسز 'فائیور' نے پاکستانی فری لانسرز کو اپنے پلیٹ فارم سے ہٹا دیا ہے۔

 یہ افواہ محض ایک افواہ ہے، جس میں کوئی صداقت نہیں اور اس کا مقصد پاکستان کی فری لانس کمیونٹی میں بے چینی پھیلانے کی کوشش کے سوا کچھ نہیں۔ اس حوالے سے تحقیق کے دوران معلوم ہوا کہ سوشل میڈیا پر گردش کرنے والی حالیہ خبر کا تعلق 11 مئی 2023 کو پیش آنے والے ایک واقعے سے ہے، اس خبر کا موجودہ صورتحال سے کوئی تعلق نہیں اور نہ ہی پاکستانی فری لانسرز کی پروفائل بند کی جا رہی ہے۔ 

رپورٹ کے مطابق پاکستانی فری لانسرز کو درپیش مسائل کا تعلق فائیور یا کسی اور پلیٹ فارم سے نہیں بلکہ پاکستان میں انٹرنیٹ سروس کی بندش یا سست رفتاری سے ہے۔ بہت سے فری لانسرز کا کہنا ہے کہ انٹرنیٹ کی عدم دستیابی یا کم رفتار کی وجہ سے وہ اپنے کلائنٹس سے لیے گئے پراجیکٹس کو وقت پر مکمل نہیں کر پاتے جس کی وجہ سے کلائنٹس ان سے ناراض ہیں اور ان کی پروفائلز پر منفی اثرات مرتب ہو رہے ہیں۔